Noticias
FESTA DE ENTROIDO 2026
FESTA DE ENTROIDO 2026
Domingo 15 de febreiro de 2026
Bases concurso de disfraces Entroido 2026
“BASES DO CONCURSO DE DISFRACES ENTROIDO 2026”
As bases polas que se rexerá o Concurso de Disfraces Entroido Sobrado 2026 son as seguintes:
PRIMEIRA:
O Concurso de Disfraces Sobrado 2026 terá lugar o domingo día 15 de febreiro ás 17:00 horas rematando ás 20:00
horas.
SEGUNDA:
O concurso terá lugar en Praza Portal. O concello poderá trasladar a outro lugar o concurso de disfraces en caso de
inclemencias meteorolóxicas.
TERCEIRA:
Poderán participar todas aquelas persoas que o desexen e reúnan os requisitos esixidos nestas bases.
CUARTA:
Quedan establecidas dúas categorías:
1ª categoría: categoría individual infantil (ata os catorce anos inclusive).
2ª categoría: categoría de comparsas, que deberán estar formadas por un mínimo de catro membros, de todas as
idades.
QUINTA:
Para participar é obrigatorio inscribirse nas oficinas da Casa do Concello ou no teléfono (981)787508 e senon o
mesmo día do concurso polo menos 15 minutos antes do comezo do concurso.
SEXTA:
PREMIOS
1ª CATEGORÍA (INDIVIDUAL-INFANTIL)
1º CLASIFICADO………………….. 100€
2º CLASIFICADO………………….. 50€
3º CLASIFICADO………………….. 25€
2ª CATEGORÍA (COMPARSAS)
1º CLASIFICADO…………………. 300€
2º CLASIFICADO…………………. 200€
3º CLASIFICADO…………………. 100€
SÉTIMA:
O xurado nomeado a tal efecto será o encargado de outorgalos premios e estará composto por:
-1 membro da Corporación Municipal.
-2 persoas do público.
-2 membros da empresa encargada da animación da festa.
No concurso teranse en conta, a orixinalidade, a vistosidade e a escenificación, valorándose en maior medida os
disfraces de creación propia. Poderase declarar deserto calquera premio se a xuízo do propio xurado non se reúnen os
méritos suficientes.
OITAVA:
A entrega de premios para todas as modalidades, realizarase unha vez rematado o concurso de maneira simbólica, xa
que a efectividade do premio farase por transferencia bancaria no número de conta indicado polos premiados.
Para cobrar o premio os gañadores deberán designar un representante (Nome, apelidos e DNI) e facilitar no concello un
certificado do número de conta co IBAN o seu nome para facer efectivo o ingreso xunto cunha copia do DNI.
NOVENA:
O feito de participar no concurso de disfraces implica o coñecemento e aceptación por parte dos concursantes das
presentes bases así como a autorización para a publicación e uso das imaxes e vídeos orixinados neste evento cultural.